ایبٹ آباد: سابق وزیراعظم عمران خان حقیقی آزادی کی تحریک مارچ کے لئے آج ایبٹ آباد میں جلسہ عام سے خطاب کرینگے۔
تفصیلات کے مطابق پی ٹی آئی چیئرمین عمران خان آج ایبٹ آباد میں جلسہ عام سےخطاب کرینگے، عمران خان کے ہمراہ وزیراعلی کے پی محمودخان اورقائم مقام گورنرمشتاق غنی ہونگے۔
عمران خان نے ایبٹ آباد جلسے کے حوالے سے خصوصی پیغام میں کہا کہ ایبٹ آباد میں آج آ رہا ہوں اور آپ نے بھرپور طریقے سے جلسے میں شرکت کرنی ہے، انہوں نے عوام کو مخاطب کرتے ہوئے کہا کہ آپ کو پتہ ہے کہ میں کیوں آ رہا ہوں ؟ ہم امپورٹڈ حکومت کے خلاف جلسہ کر رہے ہیں اور عوام کو آگاہ کرنا ہے، ساری قوم کو تیار کر رہے ہیں۔
ایبٹ آباد جلسے کےحوالےسےانتظامات کو حتمی شکل دے دی گئی ہے، پولیس کےسات سو اہلکارجلسےکی سیکیورٹی پرمامور ہوں گے، جلسہ گاہ میں آنےکیلئےسات واک تھروگیٹ قائم کیےگئےہیں۔
چئرمین پاکستان تحریک انصاف @ImranKhanPTI کا ایبٹ آباد جلسے کے حوالے پیغام- #امپورٹڈ__حکومت__نامنظور pic.twitter.com/FKV8uiY9YX
— PTI (@PTIofficial) May 7, 2022
قائم مقام گورنرمشتاق غنی کا کہنا ہے کہ جلسہ ایبٹ آباد کی تاریخ کا سب سےبڑاجلسہ ہوگا۔
واضح رہے کہ چیئر مین پاکستان تحریک انصاف عمران خان نے اوورسیز پاکستانیوں سے خطاب کرتے ہوئے کہا تھا کہ میں امریکہ سمیت کبھی کسی ملک کے خلاف نہیں رہا۔
انہوں نے کہا تھا کہ ڈونلڈ ٹرمپ سے اچھے تعلقات تھے اور پندرہ سال میں نے دہشتگردی کے خلاف جنگ کی مخالفت کی، دہشتگردی کیخلاف جنگ میں سب سے زیادہ نقصان پاکستان نے اٹھایا۔
