اسلام آباد : کرونا وائرس کی مہلک وبا نے چوبیس گھنٹے کے دوران ملک میں 55 مریضوں کی جان لے لی۔
نیشنل کمانڈ اینڈ آپریشن سینٹر کے کرونا وائرس مریضوں اور مرنے والوں سے متعلق جاری کردہ اعداد و شمار کے مطابق 24 گھنٹے کے دوران دو ہزار ایک سو پچپن افراد کوویڈ نائنٹین کی لپیٹ میں آگئے۔
این سی او سی کا کہنا ہے کہ ملک میں چوبیس گھنٹے کے دوران مزید 55 کرونا مریض زندگی کی بازی ہار گئے، جس کے بعد کرونا سے مرنے والوں کی تعداد 10ہزار 47 ہوگئی۔
نیشنل کمانڈ اینڈ آپریشن سینٹر کا کہنا ہے کہ ملک میں چوبیس گھنٹے کے دوران کرونا وائرس کے 36 ہزار 390 ٹیسٹ کیے گئے جس میں سے دو ہزار 155 ٹیسٹ مثبت آئے جبکہ اب تک ملک میں 66 لاکھ 56 ہزار 3737 کرونا ٹیسٹ کیے جاچکے ہیں۔
این سی او سی کے مطابق ملک میں کرونا کے فعال کیسز کی تعداد 37 ہزار 80 ہوگئی۔
