برازیل میں کورونا کی نئی قسم سامنے آنے کے بعد مختلف ممالک کے شہریوں میں تشویش کی لہر دوڑ گئی۔
ایک جانب جب مختلف ممالک میں کورونا کے خلاف ویکسی نیشن پروگرام جاری ہے تو دوسری جانب کورونا کی نئی اقسام بھی سامنے آرہی ہیں۔
ایسے میں سائنسدان بھی یہ سوچنے پر مجبور ہیں کہ آیا نئی قسم پر ویکسین اثرا انداز ہو گی کہ نہیں۔
اس حوالے سے مختلف آرا پائی جاتی ہیں لیکن برطانوی سائنسدانوں نے حوصلہ افزا خبر سنائی ہے کہ برازیلئن قسم پربھی ویکسین اثرکرے گی۔
جاپان نےبرازیل سےآنے والے مسافر میں نئی قسم کی تشخیص سے ڈبلیو ایچ او کو آگاہ کیا جس کے بعد برطانیہ کا برازیل سے سفر پر پابندی لگائے جانے کا امکان ہے۔
برطانوی میڈیا کا کہنا ہے کہ جنوبی امریکی ممالک سےسفر پر آج سے پابندی لگائی جا سکتی ہے اور پابندی کا اعلان کورونا کمیٹی غور کے بعد آج کر سکتی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں