The news is by your side.

Advertisement

گوجرانوالہ میں چور نے مسجد کو بھی نہ بخشا

گوجرانوالہ : عوام نے چور کو مسجد کا چندہ باکس چوری کرتے ہوئے رنگے ہاتھوں پکڑ کر تشدد کا نشانہ بنایا۔

تفصیلات کے مطابق پنجاب کے شہر گوجرانوالہ کے علاقے کوٹ اسحاق میں مسجد کی انتظامیہ اور عوام نے چندہ باکس چوری کرنے والے شخص کو رنگے ہاتھوں پکڑ کر اس درگت بنائی۔

گوجرانوالہ پولیس کا کہنا ہے کہ مشتعل عوام نے چور کے سر کے بال اور بھنویں مونڈ دیں بعد ازاں پولیس نے جائے وقوعہ پر پہنچ کر چور کو گرفتار کرلیا۔

اس سے قبل مسجد کے چندہ باکس سے پیسے چوری کرنے کا واقعہ ایبٹ آباد میں پیش آیا تھا جہاں ایک افغانی بچہ آئے روز مسجد کے چندہ باکس سے رقم چرا کرلے جاتا تھا۔

واضح رہے کہ جامع مسجد ابوبکر صدیق کی انتظامیہ نے بارہا باکس کا تالا تبدیل کیا لیکن پھر بھی پیسے چوری ہوتے رہے۔

ایک دن فجر کی نماز کے بعد تمام نمازی گھر چلے تو لیکن ایک نمازی کسی کام سے مسجد میں واپس آیا تو اس نے افغانی لڑکے کو چندہ باکس میں پیسے چوری کرتے دیکھ لیا اور پکڑ کر پولیس کے حوالے کردیا۔

Comments

comments

یہ بھی پڑھیں