کراچی : شہر قائد میں چینی تین ماہ میں سو روپے سے 176 روپے پر پہنچ گئی، تاجروں کا کہنا ہے کہ چینی افغانستان اسمگل ہورہی ہے، اسمگلنگ نہ روکی گئی تو اس ہی طرح اس کی قیمت روزانہ بڑھتی رہے گی
تفصیلات کے مطابق چینی کے بڑھتے داموں نےخریداروں کی زندگی میں کڑواہٹ گھول دی، کراچی میں ایک کلوچینی کر ایک سو چھہتر روپے کی ہوگئی۔
چیئرمین ہول سیلرگروسرز عبدالروف نے بتایا کہ ہول سیل مارکیٹ میں چینی157روپے میں فروخت ہورہی اور ریٹیل میں چینی 160 سے 170 روپے کلوتک پہنچ گئی ہے۔
عبدالروف کا کہنا تھا کہ سٹے باز اور شوگر ملز مالکان کا گٹھ جوڑ فوری توڑا جائے اور چینی ذخیرہ اندوزوں کیخلاف کارروائی کی جائے۔
انھوں نے مزید کہا اگر چینی کی اسمگلنگ نہ روکی گئی تو اس ہی طرح اس کی قیمت روزانہ بڑھتی رہے گی، چینی بغیر سیلز ٹیکس اور انکم ٹیکس ٹیگ کے افغانستان اسمگلنگ کی جا رہی ہے، اگر مافیا کو نہیں روکا گیا تو ذرمبادلہ کا بھی نقصان ہوگا
دوسری جانب کوئٹہ میں بھی چینی کی قیمت 145 سے بڑھ کر 35روپے اضافے کے بعد 180روپے کلو ہوگئی ، چینی کے ہول سیل ریٹ 170روپے فی کلو اور ریٹیل ریٹ 180روپے فی کلو ہے، کوئٹہ کے تاجروں کہتے ہیں چینی افغانستان اسمگل ہو رہی ہے۔
کوئٹہ:چینی کی قیمت میں اضافہ قومی شاہراہوں پر ٹرکوں کےروکے جانے کے باعث ہے،ہو
پشاور میں بھی چینی نایاب اور ایک سو باہتر روپے میں بھی مشکل سے دستیاب ہے جبکہ فیصل آباد کےشہری بھی مہنگی چینی خریدنے پر مجبورہے۔
