The news is by your side.

Advertisement

کراچی میں مرحلہ وار بجلی کی بحالی کا سلسلہ جاری، بیشتر علاقے دوبارہ روشن ہوگئے

کراچی : شہر قائد میں مرحلہ واور بجلی کی بحالی کا سلسلہ جاری ہے، ائیرپورٹ ون، گلستان جوہر سمیت متعدد علاقوں میں بجلی بحال ہوگئی۔

تفصیلات کے مطابق گزشتہ رات اچانک بڑے بجلی کے بڑے بریک ڈاؤن کے باعث سارا پاکستان تاریکی میں ڈوب گیا تھا تاہم وزارت توانائی کے اہلکاروں اور بجلی گھروں کے ملازمین نے بروقت مسئلے کی دوری کےلیے کام کا آغاز کیا، جس کے بعد رات ڈھائی بجے کے بعد سے مختلف علاقوں میں بجلی کی بحالی شروع ہوگئی تھی۔

ترجمان کے الیکٹرک کا کہنا ہے کہ نیا ناظم آبادد، فیڈرل بی ایریا بلاک 14 اور 16 ، سائٹ ایریا، اورنگی اور منگھوپیر میں بھی بجلی بحال کردی گئی۔

ترجمان کا کہنا تھا کہ کراچی الیکٹرک کی جانب سے اپنے سسٹم سے بجلی بحالی کا کام جاری ہے، ولیکا، کے ڈی اے، فیڈرل بی ایریا کے کچھ علاقوں میں بجلی بحال ہوگئی جبکہ ایئرپورٹ ون،گلستان جوہرکےکچھ مقامات پر بھی بجلی بحال ہوچکی ہے۔

لانڈھی، ملیر اور شاہ فیصل کے کچھ مقامات پر بجلی بحال کردی گئی تاہم شہر کے تقریباً نصف علاقے میں بجلی تاحال بحال نہ ہوسکی۔

صدر ، لیاری، بلدیہ، کلفٹن ،نارتھ ناظم آبادمیں بجلی بحال نہ ہوسکی، کھارادر،میٹھادر ،گلشن اقبال کے کچھ علاقوں میں بجلی معطل ہے جبکہ لائنز ایریا، جٹ لائن اور اے بی سینیالائن میں بجلی تاحال معطل ہے۔

Comments

یہ بھی پڑھیں