The news is by your side.

Advertisement

لاہور میں قاتل ڈور نے معصوم بچی کی جان لے لی

لاہور میں قاتل ڈور نے ایک اور ننھی کلی مرجھا دی، گردن پر ڈور پھرنے سے 6 سالہ بچی جاں بحق ہوگئی۔

تفصیلات کے مطابق پتنگ بازی کا شوق ایک اور جان لے گیا، قاتل ڈور نے ہنستی مسکراتی بچی کو ابدی نیند سلا دیا۔ 6 سالہ بچی حریم فاطمہ موٹر سائیکل پر والد کے ہمراہ رشتے داروں سے ملاقات کے بعد گھر واپس جارہی تھی کہ ساندہ کے علاقے میں قاتل ڈور گلے پر پھر گئی جس سے وہ لہو لوہان ہو گئی۔

بچی کو فوری طور پر مقامی اسپتال منتقل کیا گیا تاہم وہ جانبر نہ ہو سکی اور والد کے ہاتھوں میں دم توڑ دیا۔

وزیراعلیٰ عثمان بزدار نے ڈور پھرنے سے چھ سالہ بچی کے جاں بحق ہونے کے واقعہ پر گہر ے دکھ اورافسوس کا اظہار کرتے ہوئے لواحقین سے دلی ہمدردی و اظہار تعزیت کیا ہے۔

وزیر اعلی پنجاب نے واقعہ کا نوٹس لیتے ہوئے سی سی پی او لاہور سے افسوسناک واقعہ کے بارے میں رپورٹ طلب کرلی اور غفلت کے ذمہ داروں کے خلاف سخت قانونی کارروائی کا حکم دے دیا۔

وزیر اعلی پنجاب عثمان بزدار کا کہنا تھا کہ معصوم بچی کے جاں بحق ہونے پر دلی رنج ہوا ہے، غفلت برتنے والوں کے خلاف بلاامتیاز قانونی کارروائی ہوگی۔

عثمان بزدار نے کہا کہ افسوسناک واقعہ میں معصوم بچی کی زندگی کا جاناکسی صورت برداشت نہیں کیا جاسکتا،صوبہ بھر میں پتنگ بازی پر پابندی کے قانون پر موثر عملدر آمدیقینی بنایا جائے۔

واضح ہدایات کے باوجودپتنگ بازی کے واقعات متعلقہ پولیس افسران کی کارکردگی پر سوالیہ نشان ہے۔

Comments

یہ بھی پڑھیں