The news is by your side.

لاہور میں نوکری کا جھانسہ دے کر ملزمان کی خاتون سے زیادتی

لاہور میں نوکری کا جھانسہ دے کر ملزمان نے خاتون کو اجتماعی زیادتی کا نشانہ بنا ڈالا۔

خاتون کی درخواست پر تھانہ گجرپورہ میں واقعے کا مقدمہ درج کر لیا گیا۔ ایف آئی آر کے مطابق ملزم خلیل نے نوکری کا جھانسہ دےکر کوٹ خواجہ سعیداسپتال بلایا اور ساتھیوں کےہمراہ گن پوائنٹ پر اجتماعی زیادتی کا نشانہ بنایا۔

ایف آئی آر میں کہا گیا ہے ملزمان نے ویڈیو بنائی اور جان سے مارنے کی دھمکیاں دیں۔ پولیس نے اغوا اور زیادتی کی دفعات کے تحت مقدمہ درج کیا ہے۔

متاثرہ خاتون نے پولیس کو بتایا کہ ملزم خلیل سے سوشل میڈیا پر دوستی ہوئی تو اس نے خود کو میڈیسن کمپنی کا منیجر بتایا۔

خاتون کے بقول خلیل نے نوکری کے لیے بلایا اور پھر اسلحہ کے زور پر اغوا کر کے ساتھ لے گیا جہاں ملزمان کے دو دیگر ساتھی بھی موجود تھے جنہوں نے اجتماعی زیادتی کی۔

 

Comments

یہ بھی پڑھیں