سانگھڑ: سندھ میں پولیس نے اہم کارروائی کرتے ہوئے سنگین مقدمات میں مطلوب ڈاکو کو گرفتار کرلیا۔
اے آر وائی نیوز کے مطابق سندھ کے شہر سانگھڑ کے علاقے شہداد پور میں پولیس نے کارروائی کی جس کے نتیجے میں سنگین مقدمات میں مطلوب ڈاکو گرفتار ہوگیا۔
پولیس کا کہنا ہے کہ ڈاکو عمران ابڑو سے ٹی ٹی، مشتبہ موٹر سائیکل اور منشیات برآمد ہوئیں۔ گرفتار ڈاکو 12مقدمات میں اشتہاری اور روپوش تھا، پولیس نے متعدد بار گرفتاری کے لیے چھاپے مارے لیکن ڈاکو ہاتھ نہیں آیا تھا۔
کراچی، سی ٹی ڈی کی کارروائی، 2 ملزمان گرفتار
بالاآخر آج کی اہم کارروائی میں یہ سنگین جرائم کا ملزم پولیس کے ہتھے چڑھ گیا۔
خیال رہے کہ آج سی ٹی ڈی نے کراچی کے علاقے سائٹ ایریا میں کارروائی کرتے ہوئے 2 ملزمان کو گرفتار کیا ہے۔
واضح رہے کہ گزشتہ روز سی ٹی ڈی نے کراچی کے علاقے موسمیات میں کارروائی کرتے ہوئے مفتی شامزئی اور مفتی جمیل کے مبینہ قاتل حیدر زیدی عرف سلیم بھائی کو گرفتار کیا تھا۔
