The news is by your side.

Advertisement

شاہدرہ میں خطاب، مریم نواز پر کسی نے چھڑی پھینک دی

لاہور: شاہدرہ ٹاؤن میں خطاب کے دوران مریم نواز پر کسی نے چھڑی پھینک دی جو ان کے سر پر جا لگی۔

تفصیلات کے مطابق آج لاہور کے شاہدرہ ٹاؤن میں عوامی رابطہ مہم کے دوران کارکنوں سے خطاب کرتے ہوئے ن لیگ کی مرکزی نائب صدر مریم نواز ایک اور ناخوش گوار واقعے سے دوچار ہو گئیں۔

خطاب کے دوران مجمع میں سے کسی نے اچانک ان پر چھڑی پھینک ماری، جو مریم نواز کے سر پر لگی، اس واقعے کے بعد مریم نواز خطاب چھوڑ کر فوری طور پر واپس چلی گئیں۔

آج ایک اور واقعے میں ریلی کے دوران ایک کارکن نے مریم نواز کو ہاتھ لگا دیا تھا جس پر ان کے سیکورٹی گارڈز نے اسے پکڑ کر تشدد کا نشانہ بنایا۔

ہاتھ کیوں لگایا؟ مریم نواز کو ہاتھ لگانے والے پر سیکیورٹی گارڈ کا تشدد

واضح رہے کہ شاہدرہ ٹاؤن میں مریم نواز کے خطاب کے دوران لیگی کارکنان کے درمیان کسی بات پر ہاتھا پائی بھی ہوئی اور کارکن آپس میں گھتم گتھا ہو گئے۔

ایک اور واقعے میں شاہدرہ کے جلسہ گاہ میں نون لیگ کا ایک کارکن پینا فلیکس لگاتے ہوئے بجلی کے تاروں سے چپک گیا تھا، 20 سالہ اسامہ کو شہریوں نے اتارا اور شدید زخمی حالت میں اسپتال منتقل کیا۔

علاقے سے منتخب ہونے والے لیگی ایم این اے نے اس واقعے میں بے حسی دکھائی اور اطلاع ملنے کے بعد بھی اپنےگھر سے باہر نہیں نکلے، پولیس کا کہنا تھا کہ شہریوں نے اپنی مدد آپ کے تحت لڑکے کو بجلی کے تاروں سے آزاد کرایا تھا۔

Comments

یہ بھی پڑھیں