The news is by your side.

Advertisement

محکمہ تعلیم میں 7 کروڑ کی خوردبرد کا معاملہ، عدالت نے درخواست مسترد کردی

کراچی : سپریم کورٹ نے محکمہ تعلیم میں 7 کروڑ روپے سے زائد خورد برد پر کے معاملے پر سینئر اکاؤنٹنٹ کی درخواست مسترد کردی۔

تفصیلات کے مطابق محکمہ تعلیم میں سات کروڑ روپے سے زائد کی خورد برد کے معاملے پر سپریم کورٹ کراچی رجسٹری میں کیس کی سماعت ہوئی، سماعت کے دوران عدالت نے سابق سینئر اکاوئنٹنٹ ٹھٹھہ عرفان شیخ کی برطرفی کیخلاف دی گئی درخواست مسترد کردی۔

چیف جسٹس گلزار احمد نے ریمارکس دئیے کہ کیا ہمیں نہیں معلوم حکومتی اکاؤنٹس میں کیا ہوتا ہے، یہ تو سات کروڑ کی خورد برد ہے، 7 ارب ادھر ادھر ہوجاتے ہیں۔

وکیل عرفان شیخ نے کہا کہ میرا موکل ٹھٹھہ محکمہ تعلیم میں سینئر اکاؤنٹنٹ تھا، جس آئی ڈی سے رقم منتقل ہوئی وہ سب کے استعمال میں تھی۔

وکیل عرفان شیخ نے کہا کہ انکوائری میں حقائق کو نظر انداز کردیا گیا۔

Comments

یہ بھی پڑھیں