گوجرانوالہ کے حلقہ این اے 81 میں ووٹوں کی دوبارہ گنتی میں ن لیگی امیدوار کامیاب ہو گیا۔

این اے 81 کے نتائج کو ن لیگ کے اظہر قیوم ناہرہ  نے چیلنج کر رکھا تھا۔ الیکشن کمیشن نے 75 پولنگ اسٹیشن پر دوبارہ گنتی کا حکم دیا تھا۔

دوبارہ گنتی میں اظہر قیوم ناہرا ایک لاکھ 10 ہزار 57 ووٹ لے کر کامیاب قرار پائے جب کہ پی ٹی آئی حمایت یافتہ آزادامیدوار بلال اعجاز کے ایک لاکھ 6 ہزار 860 ووٹ لے کر ہار  گئے۔

اس سے قبل لودھراں کے حلقے این اے 54 سے دوبارہ گنتی کے دوران آزاد امیدوار رانا فراز نون ہار گئے جب کہ ن لیگ کے عبدالرحمان کانجو کامیاب قرار پائے۔

ن لیگ کے عبدالرحمان کانجو 7ہزار301 ووٹوں کی برتری سےجیتے انہوں نے 127984 ووٹ حاصل کیے۔

آزاد امیدوار رانا فراز نون 120683 ووٹ حاصل کر کے دوسرے نمبر پر رہے۔ انہوں نے اس سے قبل 1 لاکھ 34 ہزار 937 ووٹ حاصل کیےتھے اور ن لیگ کے عبدالرحمان کانجو نے ایک لاکھ 28ہزار438 ووٹ لیےتھے۔