کامن ویلتھ گیمز میں سلور میڈل جیتنے والے قومی ریسلر انعام بٹ نے اپنا میڈل لسبیلہ ہیلی کاپٹر حادثے کے شہدا کے نام کردیا۔
سماجی رابطے کی ویب سائٹ ٹویٹر پر قومی ریسلر انعام بٹ نے لکھا کہ ’آپ سب کی دعاؤں اور سپورٹ کا شکریہ ادا کرتا ہوں اللہ کا شکر ہے جس نے سلور میڈل سے نوازا۔‘
انہوں نے لکھا کہ ’یہ میڈل بلوچستان ہیلی کاپٹر حادثے میں شہید ہونے والے افسران اور جوانوں کے نام کرتا ہوں۔‘
اس سے قبل انعام بٹ نے اپنے پیغام میں کہا تھا کہ ہماری ٹریننگ عالمی معیار کے مطابق نہیں ہوتیں پھر بھی سلور میڈل جیتا یہی بہت ہے۔
اللّه کا شکر ہے جس نے سلور🥈 میڈل سے نوازا ۔ یہ میڈل بلوچستان ہیلی کاپٹر کریش کے شہید آفیسرز کے نام کرتا ہوں ۔ آپ سب کی دعاؤں اور سپورٹ کا شکریہ۔ 🇵🇰 🙏 @NOCPakistan @TheTopCity1 @anilakhawaja @SportsBoardPak @KunwarMoeez pic.twitter.com/imY36ocBJo
— Inam Butt (@InamTheWrestler) August 6, 2022
واضح رہے کہ انعام بٹ نے گزشتہ روز کامن ویلتھ گیمز کے ریسلنگ ایونٹ میں سلور میڈل جیتا تھا انہیں بھارتی ریسلر دیپک پونیا نے فائنل میں شکست دی تھی۔
یاد رہے کہ یکم اگست کو لسبیلہ میں پاک فوج کا ہیلی کاپٹر گر کر تباہ ہوگیا تھا جس کے نتیجے میں کور کمانڈر کوئٹہ اور ڈی جی کوسٹ گارڈز سمیت 6 افسران اور اہلکار شہید ہو گئے تھے۔
