The news is by your side.

Advertisement

خیبر پختونخوا میں پولیو مہم کا افتتاح

پشاور: وزیر اعلیٰ خیبر پختون خوا محمود خان نے صوبے میں انسداد پولیو مہم کا افتتاح کر دیا۔

تفصیلات کے مطابق خیبر پختون خوا کے 21 اضلاع میں 45 لاکھ 62 ہزار بچوں کو انسداد پولیو ویکسین پلائی جائیں گی۔

مہم کے لیے 19 ہزار سے زائد ٹیمیں تشکیل دی گئی ہیں، جن میں 17859 موبائل اور 1237 فکسڈ ٹیمیں شامل ہیں، واضح رہے کہ کرونا کی وجہ سے 4 ماہ کے تعطل کے بعد انسداد پولیو مہم دوبارہ شروع کی گئی ہے۔

وزیر اعلیٰ محمود خان نے اس موقع پر کہا کہ صوبائی حکومت پولیو وائرس کے خاتمے کے لیے پر عزم ہے، اس مقصد کے لیے تمام دستیاب وسائل بروئے کار لائے جا رہے ہیں، 21 اضلاع میں 5 سال سے کم عمر بچوں کو پولیو قطرے پلائے جائیں گے۔

وزیراعظم کا بل گیٹس سے رابطہ، کورونا صورتحال اور انسداد پولیو مہم پر گفتگو

وزیر اعلیٰ کے پی کا کہنا تھا کہ تمام طبقات کو پولیو کے خاتمے کے لیے حکومتی کوششوں کا ساتھ دینا چاہیے۔

یاد رہے کہ گزشتہ روز وزیر اعظم عمران خان نے مائیکرو سافٹ کے بانی بل گیٹس سے ٹیلی فونک رابطہ کیا تھا، جس میں دونوں رہنماؤں نے کرونا صورت حال اور انسداد پولیو مہم پر گفتگو کی۔ وزیر اعظم نے انسداد پولیو کے لیے عزم کا اعادہ کرتے ہوئے کہا کہ ملک سے پولیو کا خاتمہ حکومت کی اولین ترجیح ہے۔

Comments

یہ بھی پڑھیں