راولپنڈی: میٹرو بس میں خاتون مسافر لٹ گئی، ملزمان پرس، نقدی اور زیورات چوری کر کے فرار ہوگئے۔
تفصیلات کے مطابق واقعہ تھانہ صادق آباد کی حدود میں پیش آیا جہاں میٹرو میں سفر کرنے والی خاتون کو چوروں نے بھری بس میں لوٹ لیا۔
متاثرہ خاتون نے واقعے کے خلاف متعلقہ تھانے میں شکایت کی جس پر مقدمہ درج کر لیا گیا، مقدمہ نامعلوم ملزمان کے خلاف درج کیا گیا ہے۔
خاتون نے درخواست میں بتایا کہ وہ میٹرو بس میں سفر کر رہی تھی کہ اس دوران نامعلوم ملزمان نے اس کا پرس، زیورات اور نقدی چوری کر لیے اور فرار ہوگئے۔
واقعے پر ایس پی راول نے اےایس پی نیوٹاؤن سرکل کی زیرنگرانی اسپیشل ٹیم تشکیل دے دی ہے، ایس پی راول آصف مسعود کا کہنا ہے کہ سی سی ٹی وی فوٹیج حاصل کی جا رہی ہیں جس کے ذریعے ملزمان کی شناخت کر کے ان کی تلاش شروع کی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں