ممبئی : بھارت میں دو کم عمر لڑکوں نے اپنی نشے کی لت اور موبائل فون کا شوق پورا کرنے کیلئے جرم کا سہارا لیا، ملزمان دکانوں میں نقب لگا کر قیمتی سامان چوری کیا کرتے تھے۔
بھارتی ریاست مہاراشٹر کے شہر ممبئی میں موبائل کی دکانوں میں انتہائی مہارت کے ساتھ چوری کی متواتر وارداتوں پر پولیس بھی چکرا گئی تمام تر اقدامات کے باوجود ملزمان کا سراغ نہیں مل رہا تھا۔
بعد ازاں ممبئی کے سمتا نگر پولیس نےدو ایسے نابالغ چوروں کو حراست میں لیا جو بھنگ کے نشے اور موبائل فون کے شوق کے لئے دکان کی چھت توڑ کر چوری کی وارداتیں کرتے تھے، چوری شدہ سامان بیچ کر نشے کی لت کو پورا کرتے تھے۔
ایک روز چوری کی واردات کے دوران ایک دکان میں نصب سی سی ٹی وی کیمرے میں ساری کارروائی ریکارڈ ہوگئی جو ان کی گرفتاری کا باعث بنی۔
سی سی ٹی وی فوٹیج18 مارچ کو کاندیولی ہنومان نگر علاقہ میں واقع پلازہ الیکٹرانک شاپ میں چوری کی واردات کی ہے جس میں سفید کپڑے میں ملبوس چور دکان کی چھت کو توڑ کر اندر داخل ہوئے۔
سی سی ٹی وی فوٹیج میں دکھایا گیا ہے چور اکیلا نہیں ہے بلکہ اس کا دوسرا ساتھی بھی اس کی مدد کے لئے چھت پر اس کا انتظار کر رہا ہے۔
دکان کے اندر داخل ہونے والا سفید رنگ کی ٹی شرٹ پہنے ہوا نابالغ چور بار بار دکان میں رکھے ہوئے سامانوں کا جائزہ لے رہا ہے۔ کیونکہ اسے معلوم ہے کہ وہ پچھلے 2 دنوں سے اس دکان کی ریکی کر رہا تھا۔
اس واقعے کی تفتیش کرتے ہوئے پولیس نے ایک 17 سالہ نابالغ اور اس کے ایک16سالہ نابالغ دوست کو حراست میں لیا، چوری شدہ موبائلوں میں سے10 موبائل جس کی قیمت ایک لاکھ17ہزار کے قریب بتائی گئی ہے۔
