کراچی: صوبائی مشیر قانون بیرسٹر مرتضیٰ وہاب نے لانڈھی صنعتی ایریا میں صنعتی و طبی فضلہ جلانے والے ایس این ویسٹ انسنریشن پلانٹ کا افتتاح کردیا۔
تفصیلات کے مطابق صوبائی مشیر قانون بیرسٹر مرتضیٰ وہاب نے لانڈھی صنعتی ایریا میں ایس این ویسٹ انسنریشن پلانٹ کا افتتاح کیا، ایس این ویسٹ شہر میں اپنی نوعیت کا پہلا آٹو میٹک پلانٹ ہے۔
پلانٹ میں یومیہ 12 ہزار کلو صنعتی و طبی فضلہ جلانے کی صلاحیت ہے۔
Inaugurated Incineration Plant for hazardous industrial & medical waste in Landhi Industrial Area. Many such plants need to be established to ensure environment friendly disposal of hazardous waste. #Sindh Environment Protection Agency is facilitating such interventions pic.twitter.com/GigqDfFhe1
— Murtaza Wahab Siddiqui (@murtazawahab1) March 25, 2021
اس موقع پر صوبائی مشیر مرتضیٰ وہاب کا کہنا تھا کہ ایس این ویسٹ فضلے کو ٹھکانے لگانے کا جدید پلانٹ ہے، صوبے میں صنعتوں کا جال بچھایا جا رہا ہے۔ ماحولیاتی آلودگی کی کمی کے اقدامات ہماری ترجیحات ہیں۔
انہوں نے کہا کہ عمران خان نے 162 ارب کا اعلان کیا تھا، ابھی تک ایک روپیہ خرچ نہیں کیا، سندھ حکومت کو این ایف سی کی مد میں 80 ارب روپے کم دیے گئے۔
صوبائی مشیر کا کہنا تھا کہ وفاقی حکومت نے سندھ کو ایک منصوبہ نہیں دیا، یہ کوئی وعدے پورے نہیں کرتے، سندھ حکومت تمام سازشوں کے باوجود ترقیاتی کام جاری رکھے گی۔
انہوں نے مزید کہا کہ شہریار وزیر اعظم کو باتوں میں نہیں کام میں احساس دکھانے کی ضرورت ہے۔
