سعودی وزیر صحت فہد الجلاجل کا اپنے جاری کردہ بیان میں کہنا ہے کہ شعبہ صحت کے نئے پروگرام کا پہلا مرحلہ کامیابی کے ساتھ مکمل ہو گیا۔ ٹریفک حادثات سے اموات کی تعداد میں 50 فیصد کمی واقع ہوئی ہے جبکہ اوسط عمر77 برس تک پہنچ گئی ہے۔
بین الاقوامی خبر رساں ادارے کی رپورٹ کے مطابق مملکت میں صحت نگہداشت کا پروگرام موثر شکل میں آگے بڑھ رہا ہے۔ صحت ضوابط متعارف کرائے گئے ہیں۔ آگہی مہم نتیجہ خیز ثابت ہوئی ہے۔ بنیادی ڈھانچہ بہتر ہوا ہے۔
فہد الجلاجل کا کہنا تھا کہ مقامی شہریوں کی عمر میں اضافہ بھی ہوا ہے، معاملہ صرف شاہراہوں پر انسانی جانوں کی سلامتی تک ہی محدود نہیں رہا۔
اُنہوں نے کہا کہ ہمارا ہدف 2030 تک اوسط عمر 80 سال تک پہنچانے کا ہے، اب سعودی شہری ساتویں عشرے کے آخر تک زندہ رہنے لگے ہیں۔
علم میں اضافہ عمر میں اضافے کا باعث ہے، تحقیق
سعودی عرب کی غذائی پالیسیوں کی تعریف کرتے ہوئے عالمی ادارہ صحت کا کہنا تھا کہ اس کے مثبت اثرات صحت عامہ پر نظر آنے لگے ہیں۔
