کراچی: صرافہ مارکیٹ میں سونے کی قیمت میں پھر اضافہ ہو گیا ہے، سونے کی فی تولہ قیمت 800 روپے بڑھ گئی ہے۔
تفصیلات کے مطابق ملک بھر میں سونے کی قیمت میں اضافہ ریکارڈ کیا گیا ہے، آل پاکستان جیمز اینڈ جیولرز ایسوسی ایشن کے مطابق ملک بھر میں سونے کی قیمت میں 800 روپے کا اضافہ ہوا ہے۔
اضافے کے بعد فی تولہ سونے کی قیمت 2 لاکھ 16 ہزار 300 روپے ہو گئی ہے، اسی طرح 10 گرام سونے کا بھاؤ 686 روپے اضافے سے ایک لاکھ 85 ہزار 442 روپے پر پہنچ گیا۔
- Advertisement -
سونے کی قیمت میں آج کتنی کمی ہوئی؟
دوسری جانب عالمی مارکیٹ میں سونے کی قیمت 5 ڈالر اضافے سے 2040 ڈالر فی اونس ہو گئی ہے، جب کہ چاندی کی فی تولہ قیمت 2 ہزار 600 روپے پر مستحکم رہی۔ واضح رہے کہ گزشتہ روز سونے کی قیمت میں 600 روپے کی کمی واقع ہوئی تھی۔
