کراچی : محکمہ موسمیات نے کراچی میں سردی کی شدت میں اضافے کی پیش گوئی کرتے ہوئے کہا پانچ دسمبرسے شہر میں سرد ہوائیں داخل ہوں گی۔
تفصیلات کے مطابق کراچی میں سردی کی شدت میں اضافے کا سلسلہ جاری ہے، محکمہ موسمیات کا کہنا ہے کہ پانچ دسمبرسےکراچی میں سرد ہوائیں داخل ہوں گی، جس سے سردی کی شدت میں اضافہ ہوگا۔
محکمہ موسمیات کا کہنا تھا کہ شہر میں کم سےکم درجہ حرارت14ڈگری سینٹی گریڈریکارڈکیاگیا اور زیادہ سےزیادہ درجہ حرارت27سے29ڈگری سینٹی گریڈ رہنے کا امکان ہے۔
- Advertisement -
دوسری جانب بلوچستان کے بیشتر اضلاع میں موسم خشک جبکہ شمالی اضلاع میں سرد رہے گا، کوئٹہ میں کم سے کم درجہ حرارت 3ڈگری اور قلات میں کم سے کم درجہ حرارت منفی 2ڈگری سینٹی گریڈریکارڈ کیا گیا۔
