کراچی: قومی ایئرلائن پی آئی اے کی جانب سے سیاحتی مقامات کی سیر کرنے والوں کے لیے خوش خبری ہے، گلگت کے لیے پروازوں میں اضافہ کر دیا گیا۔
تفصیلات کے مطابق پاکستان انٹرنیشنل ایئرلائن نے اسکردو کے بعد ایک اور سیاحتی مقام کے لیے پروازوں میں اضافہ کر دیا، پی آئی اے نے اسلام آباد سے گلگت کے لیے یومیہ 2 پروازیں چلانے کا اعلان کیا ہے۔
ترجمان قومی ایئرلائن نے کہا کہ یہ فیصلہ اسکول تعطیلات میں سیاحوں کی تعداد میں اضافہ مد نظر رکھ کر کیا گیا ہے۔
- Advertisement -
اسکردو جانے والے سیاحوں کے لئے بڑی خوشخبری
واضح رہے کہ اسکولوں میں گرمیوں کی چھٹیوں کے باعث اسکردو کے لیے مسافروں کی تعداد میں اضافے کے پیش نظر پی آئی اے انتظامیہ نے لاہور اور کراچی سے براہ راست پروازیں شروع کر دی ہیں۔ اس سے قبل لاہور سے اسکردو کے لیے براہ راست پروازیں چلائی جا رہی تھیں۔
