لاہور: صوبہ پنجاب میں شدید سردی کے باعث تعلیمی اداروں میں موسم سرما کی تعطیلات میں اضافہ کر دیا گیا۔
ہائیر ایجوکیشن ڈیپارٹمنٹ پنجاب نے تعطیلات میں اضافے کا نوٹیفکیشن جاری کر دیا جس کے مطابق صوبے بھر میں موسم سرما کی تعطیلات 8 جنوری تک بڑھا دی گئیں۔
نوٹیفکیشن میں کہا گیا ہے کہ پنجاب کے سرکاری اور نجی تعلیمی ادارے 8 جنوری تک بند رہیں گے، تعلیمی اداروں کے سربراہان امتحانات کو ری شیڈول کر سکتے ہیں۔
