پشاور: وزیر صحت خیبرپختونخوا تیمور سلیم جھگڑا کا کہنا ہے کہ حکومت نے میڈیکل کالجز میں سیلف فنانس کی سیٹوں کو بھی بڑھانے کی منظوری دے دی۔
تفصیلات کے مطابق وزیر صحت خیبرپختونخوا تیمور سلیم جھگڑا نے پریس کانفرنس کرتے ہوئے کہا کہ میڈیکل کالجز کے طلبہ کو فیس کی ادائیگی کا مسئلہ تھا ، حکومت نے سیلف فنانس کی سیٹوں کو بھی بڑھانے کی منظوری دی۔
وزیر صحت خیبرپختونخوا کا کہنا تھا کہ اوپن میرٹ پر آنےوالے طلبہ کی تعداد 75ہزار کردی ہے، سیلف فنانس کے طالب علم 12 لاکھ فیس ادا کریں گے۔
تیمور سلیم جھگڑا نے کہا کہ میڈیکل کالجز کی فیس اب بھی پرائیوٹ اسکولز سے کم ہے، ہر سال میڈیکل کالجز میں1754طلبہ کو داخلہ دیتے ہیں۔
ان کا کہنا تھا کہ میڈیکل کالجز کے طلبہ میں 200 سیلف فنانس پر داخلہ لے سکتے ہیں، اوپن میرٹ پر آنے والے 33 فیصد طلبہ کو مکمل اسکالرشپ دیں گے۔
