کراچی : شہر قائد میں سردی کی شدت میں اضافہ ہوگیا تاہم آج دن میں موسم خشک اور درجہ حرارت معمول سے کم ہوگا۔
تفصیلات کے مطابق کراچی میں سردی کی شدت میں اضافہ کے ساتھ ہی درجہ حرارت مزید گرگیا، محکمہ موسمیات کا کہنا ہے کہ کراچی میں آج موسم خشک رہےگا ،دن میں درجہ حرارت معمول سےکم ہوگا۔
شہرکاموجودہ درجہ حرارت 22 ڈگری سینٹی گریڈہے، شمال مشرقی سمت سے چلنےوالی ہواکی رفتار 13 کلومیٹرفی گھنٹہ ہے تاہم دن میں درجہ حرارت27سے29ڈگری سینٹی گریڈتک رہنے کا امکان ہے۔
دوسری جانب ملک کے بیشتر علاقوں میں موسم سرد اور مطلع جزوی طور پر ابر آلود رہے گا، محکمہ موسمیات نے آئندہ چوبیس گھنٹے کے دوران کراچی، کوئٹہ، اسلام آباد، پشاور، کشمیر اور گلگت بلتستان سمیت ملک کے بیشترعلاقوں میں موسم سرد اور مطلع جزوی ابرآلود رہنے کی پیشگوئی کی ہے۔
لاہور، خانیوال، ملتان،بہاولپور، اوکاڑہ، سرگودھا، سیالکوٹ اور فیصل آباد میں صبح سموگ اور دھند چھائی رہے گی۔
