ٹی ٹوئنٹی ورلڈکپ میں زمبابوے کے کھلاڑی ریان برل نے بھارتی بیٹر کا ناقابل یقین کیچ تھام کرسوشل میڈیا پر تہلکہ مچادیا ہے۔

ٹی ٹوئنٹی کے آخری گروپ میچ میں انڈیا نے زمبابوے کو 71 رنز سے روندتے ہوئے گروپ ٹو میں ٹاپ پوزیشن حاصل کرلی۔

یہ بھی پڑھیں:  پاکستان ٹی 20 ورلڈ کپ کے سیمی فائنل میں پہنچ گیا

بھارتی ٹیم نے پہلے کھیلتے ہوئے 6 وکٹوں کے نقصان پر 186 رنز بنائے، سوریہ کمار یادو نے محض 25 گیندوں میں 61 رنز کی عمدہ اننگ کھیل کر ٹیم کے مجموعے کو بہتر بنایا۔

بھارتی اننگز کے دوران کرکٹ شائقین اس وقت دنگ رہ گئے جب رشبھ پنت نے مڈآن پر عمدہ شاٹ کھیلا تو زمبابوے فیلڈر ریان برل نے ان کا شاندار کیچ تھاما۔

ریان برل کے اس عمدہ کاوش پر میدان میں موجود تمام شائقین نے دل کھول کر انہیں داد دی، کیچ کی ویڈیو سوشل میڈیا پر تیزی سے وائرل ہورہی ہے جسے بے حد پزیرائی مل رہی ہے۔

واضح رہے کہ ٹی ٹوئنٹی سیمی فائنل کی لائن اپ مکمل ہوگئی ہے، پاکستان بدھ کے روز نیوزی لینڈ کے خلاف میدان میں اترے گا جبکہ انگلینڈ اور انڈیا جمعرات کو آمنے سامنے ہونگے۔