آسٹریلیا کے خلاف سیریز کے آخری ٹیسٹ سے بھارتی کرکٹ ٹیم کے کپتان روہت شرما باہر ہوگئے، اسے روہت کی ٹیسٹ کپتانی اور ٹیسٹ کیریئر کا بھی اختتام قرار دیا گیا ہے۔
جسپریت بمراہ بورڈر گواسکر ٹرافی کے آخری ٹیسٹ میچ میں ٹیم کی قیادت کر رہے ہیں، آؤٹ آف فارم روہت شرما کی جگہ شبمن گل کو ٹیم میں شامل کیا گیا ہے، تاہم وہ بھی 20 رنز بناکر آوٹ ہوگئے۔
بورڈر گواسکر ٹرافی کے پہلے ٹیسٹ میں بھی جسپریت بمرا نے کپتانی کی تھی اور انڈیا پرتھ ٹیسٹ کامیابی حاصل کی تھی، پہلے ٹیسٹ میچ میں روہت نجی مصروفیت کے باعث دستیاب نہیں تھے۔
بھارتی میڈیا کے مطابق انڈین کپتان نے ٹیسٹ سے باہر باہر بیٹھنے کا فیصلہ کیا ہے، اس سے قبل میلبرن ٹیسٹ کے بعد سے ہی انہیں ڈراپ کرنے کی افواہیں سامنے آرہی تھیں۔
روہت انگلینڈ کے خلاف ون ڈے سیریز میں آرام کر رہے ہیں، جبکہ چیمپئینز ٹرافی میں بھی کپتان نہیں ہوں گے ان کی جگہ ہاردیک پانڈیا بھارتی ٹیم کی کپتانی کے فرائص انجام دیں گے۔
بابر اعظم نے اپنا بَلّا تبدیل کر لیا!
رپورٹس میں کہا گیا ہے کہ ہیڈ کوچ گوتم گمبھیر کے ساتھ روہت کے اختلافات بھی رپورٹ ہوئے تھے، گوتم گمبھیر نے ڈریسنگ روم میں نام لئے بغیر ان پر سخت تنقید بھی کی تھی۔ گوتم گمبھیر نے گزشتہ روز پریس کانفرنس میں بھی روہت پر بات نہیں کی تھی۔
