لاہور : جشن آزادی کے موقع پر اے آر وائی نیوز کے پروگرام سر عام کی جانب سے مظلوم کشمیری بھائیوں سے اظہار یکجہتی کیا گیا، مینار پاکستان پر موجود شرکاء نے قرارداد کشمیر کی بھرپور حمایت کی۔
تفصیلات کے مطابق یوم آزادی کے موقع پر اے آر وائی نیوز کی جانب سے مظلوم کشمیری بھائیوں سے فقیدالمثال اظہار یکجہتی کیا گیا ، کشمیریوں کی حمایت میں لاہور کے مینار پاکستان پر آج کا سب سے بڑا پروگرام سجایا گیا۔
ٹیم سرعام نے مینارِ پاکستان لاہور پر کشمیر کنونشن کاانعقاد کیا، اس موقع پر جلسہ گاہ میں انسانوں کا ٹھاٹیں مارتا سمندر موجود تھا۔ اس موقع پر شرکاء کا جوش خروش قابل دید تھا اور وہ پاکستان اور کشمیریوں کی حمایت میں نعرے لگا رہے تھے۔
کشمیر بنے گا پاکستان یہ صرف تحریک نہیں ہے ہر مسلمان کا جذبہ ہے مسلمان مر تو سکتا ہے لیکن کسی کے سامنے جھک نہیں سکتا ” سوائے اللہ کے ”
اور نہ ہی مرنے سے ڈرتا ہے۔
کشمیر بنے گا پاکستان@iqrarulhassan #SareAamKashmirConvention #PakistanStandsWithKashmir #KashmirBanegaPakistan pic.twitter.com/9jkrGFShOD— ARY News (@ARYNEWSOFFICIAL) August 14, 2019
اے آر وائی نیوز کے مقبول ترین پروگرام سرعام کے میزبان اقرارالحسن نے قرارداد پاکستان کے مقام پر قرارداد کشمیر پیش کی، وہاں موجود لوگوں نے پرجوش نعرے لگا کر قرارداد کی بھرپور حمایت کی۔
اس موقع پر اقرارالحسن نے خطاب کرتے ہوئے کہا کہ آج اس مقام پر جہاں قرارداد پاکستان پیش کی گئی تھی ٹیم سرعام آج اسی جگہ قرار داد کشمیر پیش کررہی ہے ۔ ہمارا مطالبہ ہے کہ استصواب رائے کے ذریعےکشمیر کے اسٹیٹس کا تعین کیا جائے ۔
"مٹا نہ سکو گے تم انکی آوازیں
بچہ بچہ پکارئے کشمیر ہمارا ہے”
کشمیر کے حق میں مینارِپاکستان کے ساۓ تلے ٹیم سرِعام کے جانبازوں کا یہ جمِغفیر کشمیر کی آزادی تک جہدوجہد کرتا رہیں گا۔۔۔
کشمیر بنے گا پاکستان!!@iqrarulhassan #SareAamKashmirConvention #KashmirBanegaPakistan pic.twitter.com/oNfIVLs7Xz— ARY News (@ARYNEWSOFFICIAL) August 14, 2019
انہوں نے کہا کہ بھارت مقبوضہ کشمیر میں انسانی حقوق کی پامالی کو بند کرے، حریت رہنماؤں کی نظر بندی کو ختم کیا جائے، اور وادی میں کرفیو کا فی الفور خاتمہ کرتے ہوئے بھارتی فوج کو کشمیر سے واپس بلایا جائے۔
اقرار الحسن نے مزید کہا کہ کشمیریوں کی حق آزادی کی لڑائی سے دست برداری نظریہ پاکستان سے غداری تصور کی جائے گی، اس موقع پر انہوں نے کشمیر کی آزادی کے حق میں نعرے بھی لگائے۔
