بھوپال: بھارتی ریاست مدھیہ پردیش میں یاتریوں کی بس پُل سے گرگئی جس کے نتیجے میں 15 افراد ہلاک ہوگئے۔
بھارتی میڈیا کے مطابق مدھیہ پردیش کے علاقے کھرگون سے اندور جانے والی ایک بس پل سے نیچے گرگئی جس کے نتیجے میں کم از کم 15 افراد ہلاک اور 25 زخمی ہوگئے۔
رپورٹس کے مطابق حادثے کے وقت بس میں 50 سے زائد مسافر سوار تھے، حادثے میں زخمی ہونے والوں کو قریبی اسپتال لے جایا گیا۔
- Advertisement -
کھرگون کے سب ڈویژنل افسر (پولیس) راکیش موہن شکلا نے بتایا کہ اندور کی طرف جا رہی بس ضلع ہیڈکوارٹر سے تقریباً 34 کلومیٹر دور ڈونگرگاؤں کے نزدیک ندی کے پل پر ریلنگ کو توڑ کر نیچے گر گئی۔
