مظفر پور: بھارتی ریاست بہار میں بھارتی فوجی اہلکار نے اپنی بیوی اور دو بچیوں کو زندہ جلا دیا۔
بھارتی میڈیا کے مطابق یہ واقعہ بھارت کی ریاست بہار کے مظفرپور کے علاقے اہیاپور میں پیش آیا، جہاں ایک فوجی اہلکار نے اپنی بیوی اور شیر خوار بچے کو زندہ جلانے کے بعد فرار ہوگیا۔
بھارت کی مقامی پولیس کا اس حوالے سے کہنا ہے کہ واقعے کی اطلاع گاؤں والوں نے دی، جس کے بعد موقع پر پہنچ کر معاملے کی تفتیش شروع کردی ہے۔
پولیس کا کہنا ہے کہ ملزم شوہر کے لیے چھاپے مارے جارہے ہیں، فوجی نوجوان کی تلاشی جاری ہے، دوسری جانب اہل خانہ نے الزام لگایا کہ فوجی اہلکار نے اپنے ناجائز تعلقات کے بنا پر انکی بیٹی اور نواسی کو قتل کیا۔
اہل خانہ نے پولیس کو بتایا کہ فوجی نوجوان کا کسی خاتون نے ناجائز تعلق تھا اس وجہ سے وہ ان کی بیٹی سے طلاق چاہتا تھا لیکن 2 چھوٹی بیٹیوں کی وجہ سے طلاق لینے میں دشواری پیش آرہی تھی۔
اہل خانہ کا دعویٰ ہے کہ فوجی اہلکار نے دوسری خاتون کے ساتھ مل کرمیری بیٹی کو جلایا ہے، ان سب معاملات میں اس کے سسرال والوں نے بھی ملزم کی مدد کی۔
