نئی دہلی : بھارتی حکومت لداخ میں چین کو نہ روک سکی تو سیکیورٹی خطرات کی آڑ میں سیکڑوں چینی ایپلیکیشنز پر پابندی عائد کردی۔
غیر ملکی خبر رساں ادارے کی رپورٹ کے مطابق بھارت اور چین کے درمیان گزشتہ کئی دنوں سے کشیدگی جاری ہے اور بھارتی فوج کو لداخ میں چینی فوجیوں سے ہزیمت کا سامنا بھی کرنا پڑا ہے۔
بھارت نے لداخ کے محاذ پر چین سے ناکامی کے بعد سیکیورٹی خطرات کا بہانہ بناکر چینی موبائل ایپلی کیشنز اور ویڈیو گیم پب جی سمیت 118 ایپلیکیشنز پر پابندی لگادی۔
Government blocks 118 mobile apps which are prejudicial to sovereignty and integrity of India, Defence of India, Security of State and Public Order: Govt of India
PUBG MOBILE Nordic Map: Livik, PUBG MOBILE LITE, WeChat Work & WeChat reading are among the banned mobile apps. pic.twitter.com/VWrg3WUnO8
— ANI (@ANI) September 2, 2020
بھارتی وزیر ٹیکنالوجی نے الزام عائد کیا ہے کہ پابندی میں شامل موبائل ایپس صارفین کی ذاتی معلومات اور دیگر ڈیٹا مشکوک انداز میں چینی حکومت کے ساتھ شیئر کررہی ہیں۔
خیال رہے کہ ایک ماہ قبل بھی بھارت نے ایسا ہی اقدام سرانجام دیتے ہوئے چین کی 59 موبائل ایپس پر پابندی لگادی تھی۔
لداخ کے محاذ پر بھارت کو دھچکا، چین نے بڑے رقبے پر کنٹرول حاصل کرلیا
یاد رہے کہ گزشتہ روز بھارتی انٹیلجنس نے اعتراف کیا تھا کہ لائن آف ایکچوئل کنٹرول لائن پر چین نے ایک ہزار مربع کلو میٹر کے رقبے پر کنٹرول حاصل کرلیا ہے۔
