ایڈیلیڈ: آئی سی سی ٹی 20 ورلڈ کپ کے میچ میں بھارت نے سنسنی خیز مقابلے کے بعد بنگلہ دیش کو شکست دے دی۔
ٹی 20 ورلڈ کپ سپر 12 مرحلے کے میچ میں بھارت نے ڈک ورتھ لوئس میتھڈ کے تحت بنگلہ دیش کو 5 رنز سے شکست دے دی، بھارت نے مقررہ اوورز میں 6 وکٹوں کے نقصان پر 184 رنز بنائے تھے میچ کو بارش کے باعث 16 اوورز تک محدود کیا گیا تو بنگال ٹائیگرز کو 151 رنز کا ہدف ملا جس کے تعاقب میں بنگلہ دیش کی ٹیم 6 وکٹوں کے نقصان پر 145 رنز بناسکی۔
View this post on Instagram
ویرات کوہلی نے شاندار 64 رنز کی ناقابل شکست اننگز کھیلی، کے ایل راہول 50 رنز بنا کر نمایاں رہے جبکہ سوریا کمار یادو نے 34 رنز بناسکے۔
View this post on Instagram
بنگلہ دیش کی جانب سے حسن محمود نے تین کھلاڑیوں کو پویلین کی راہ دکھائی جبکہ شکیب الحسن دو وکٹیں حاصل کرسکے۔
ہدف کے تعاقب میں بنگلادیش کے اوپنرز نے 70 رنز کاعمدہ آغاز فراہم کیاپھر بارش کے بعد میچ دوبارہ شروع ہوا تو بنگلہ دیش کی بیٹنگ لائن لڑ کھڑا گئی۔
View this post on Instagram
لٹن داس کی 60 رنز کی اننگز بھی بنگلہ دیش کو کامیابی نہ دلوا سکی، نجم الحسین 21 اور شکیب الحسن نے 13 رنز بنائے، نورالحسن 25 رنز کے ساتھ نمایاں رہے،۔
بھارت کی جانب سے ارشدیپ سنگھ نے دو کھلاڑیوں کو پویلین کی راہ دکھائی جبکہ ہاردک پانڈیا نے بھی دو وکٹیں حاصل کیں۔
