The news is by your side.

ایشون کی ٹاس کے وقت شرٹ سونگھنے کی ویڈیو وائرل

بھارتی بولر روی چندر ایشون کی ٹی ٹوئنٹی ورلڈکپ میں زمبابوے کے خلاف ٹاس کے موقع کی ایک ویڈیو وائرل ہورہی ہے۔

زمبابوے اور بھارت کے درمیان اتوار کو ہونے والے میچ میں بھارتی کپتان روہت شرما نے ٹاس جیت کر  بیٹنگ کا فیصلہ کیا، اسی دوران جب روہت بات کررہے تھے تو کیمرے میں پیچھے کھڑے ایشون اپنی شرٹ سونگھتے ہوئے نظر آئے۔

ویڈیو میں دیکھا جاسکتا ہے کہ ایشون کے ہاتھ میں دو شرٹ ہے اور وہ باری باری کرکرے دونوں کو سنگھتے ہیں، پھر ایک شرٹ اپنے ساتھ لے جاتے جبکہ دوسری شرٹ کو وہی پھینک دیتے ہیں۔

دوسری جانب ایشون کی اس ویڈیو پر صارفین کے تبصرے جاری ہے، ساتھ ہی میمز بنا رہے ہیں۔

ایک صارف کا کہنا تھا کہ اپنے کپڑے کو پہچاننے کا یہ بہترین طریقہ ہے۔

https://twitter.com/shubhankrmishra/status/1589842826640396288?s=20&t=GesBgVFkSqy7xFqeAYUXAA

بھارت کے سابق کرکٹر ہربھجن سنگھ بھی اس ویڈیو پر تبصرہ کیے بغیر نہیں رہ سکے، اور انہوں نے بھی ایشون سے پوچھ لیا کہ یہ آپ کیا سونگھ رہے ہیں۔

ایک صارف نے لکھا کہ ‘جب آپ نے ایک ماہ سے اپنے کپڑے نا دھوئے ہوں اور اب آپ یہ جاننے کی کوشش کررہے ہوں کہ کپڑوں میں سے سب سے زیادہ اچھے کون سے ہیں‘؟

ایک صارف نے کہا آپ سب کو اس بات کو تسلیم کرے گے کہ ہم سب نے زندگی میں ایک بار تو یہ ضرور کیا ہے۔

Comments

یہ بھی پڑھیں