نئی دہلی: جنگی جنون میں مبتلا بھارت نے کسانوں کو فصل کی کٹائی کے لیے 2 روز کی مہلت دے دی۔
بھارتی میڈیا رپورٹس کے مطابق انڈیا کے بین الاقوامی سرحد سے منسلک گاؤں رورانوالاخرد (اٹاری) میں فصلوں کی کٹائی کے اعلانات کیے گئے ہیں۔
بارڈر سیکیورٹی فورس (بی ایس ایف) کی جانب سے سرحد پر موجود فصلوں کی کٹائی کے لیے عوام کو 2 دن کی مہلت دی گئی ہے، اس سلسلے میں بی ایس ایف نے گوردوارے سے اعلان کیا، جس میں کہا گیا ہے کہ ’’کسان 2 دن میں گندم کی کٹائی مکمل کر لیں، اس کے بعد سرحد کے قریبی گیٹ بند کر دیے جائیں گے۔‘‘
بھارت کے کس وزیر اعلیٰ نے پاکستان سے جنگ کی مخالفت کی؟
واضح رہے کہ بارڈر سیکیورٹی فورس (بی ایس ایف) کے ایک کانسٹیبل کو پنجاب کے فیروز پور کے قریب بین الاقوامی سرحد عبور کرنے پر پاکستان رینجرز نے حراست میں لے لیا ہے۔
کانسٹیبل کی شناخت پرنم کمار شا کے طور پر کی گئی ہے، جو بی ایس ایف کی 182 ویں بٹالین کا رکن ہے، بدھ کے روز وہ سرحدی باڑ کے قریب ڈیوٹی پر تھا جب وہ مبینہ طور پر نادانستہ پاکستانی علاقے میں داخل ہو گیا۔
