بھارت میں بارہویں جماعت کے امتحانی نتائج سے دلبرداشتہ ہو کر 5 لڑکیوں نے خودکشی کر لی۔
کرناٹک حکومت کی طرف سے دوسری پری یونیورسٹی یا کلاس 12 ویں بورڈ امتحانات-1 کے نتائج کے اعلان کے بعد طلباء سے انتہائی قدم نہ اٹھانے کی اپیل کرنے کے باوجود پانچ طالبات نے مبینہ طور پر ریاست بھر میں خودکشی کر لی ہے۔
میڈیا رپورٹس کے مطابق امتحانات میں نتائج اچھے نہ آنے پر 5 لڑکیوں نے زندگی کا خاتمہ کر لیا۔ یہ واقعات گزشتہ 24 گھنٹوں میں میسور، بلاری، داونگیرے، ہاویری اضلاع اور بنگلورو شہر سے رپورٹ ہوئے ہیں۔
ابتدائی معلومات کے مطابق میسور کے وونتی کوپل علاقے میں گورنمنٹ پی یو کالج کی طالبہ ایشوریہ نے اپنی زندگی کا خاتمہ کر لیا۔
وجے لکشمی سری گوپادا، جو کہ بلاری ضلع کے سراگپا تعلقہ کے اگاسانورو سے 12ویں جماعت کی طالبہ ہے، نے بھی خودکشی کر لی۔
داونگیرے کی دوسری پی یو سی سائنس کی طالبہ کرپا نے یہ جان کر انتہائی قدم اٹھایا کہ وہ امتحان میں اچھے نتائج حاصل نہیں کر سکیں۔
ہاویری ضلع کے ہمسابھاوی تھانے کی حدود سے تعلق رکھنے والی کاویہ باسپا لامانی نے بھی نتائج کے اعلان کے بعد اپنی زندگی کا خاتمہ کر لیا کیونکہ اس نے امتحانات پاس نہیں کیے تھے۔
ایک اور واقعہ بنگلورو کے ودیارنیا پورہ پولیس اسٹیشن کی حدود میں رپورٹ کیا گیا ہے۔ منگل کو بورڈ کے امتحان کے نتائج کا اعلان ہونے سے چند گھنٹے قبل ایک طالبہ نے اپنی زندگی کا خاتمہ کر لیا۔ پولیس نے بتایا کہ اس نے اپنے نتائج کے خوف سے یہ انتہائی قدم اٹھایا۔ یہ واقعہ سپتاگیری لے آؤٹ میں واقع اس کے اپارٹمنٹ میں پیش آیا۔
