نئی دہلی: پاکستان اور بھارت کے درمیان جنگ بندی کے باوجود بھارتی حکام تاحال خوف میں مبتلا ہیں، جس کا واضح ثبوت یہ ہے کہ 24 ایئرپورٹ تاحال بند ہیں۔
غیر ملکی ذرائع ابلاغ کے مطابق پاک بھارت جنگ بندی کے باوجود 24 ایئرپورٹ کا فلائٹ آپریشن آج بھی فعال نہیں ہوسکا، تمام طیارے بھی ہٹا لیے گئے ہیں جبکہ آج کی 444 پروازیں منسوخ ہوچکی ہیں۔
رپورٹس کے مطابق امرتسر، سرینگر، جموں، لداخ، دھرم شالا،شملہ، آدم پور، چندی گڑھ سمیت مختلف شہروں میں آج بھی تمام پروازوں کا رخ موڑ دیا گیا ہے۔
رپورٹس کے مطابق 7 دن سے بند سری نگر ائیرپورٹ سے روزانہ 65 پروازیں منسوخ ہوگئی ہیں، جموں ائیر پورٹ کی 30 پروازیں منسوخ ہیں اور تمام طیارے ہٹا لیے گئے ہیں جبکہ لداخ کے لیح کوشک ائیرپورٹ کی آج بھی تمام 30 پروازیں منسوخ ہیں۔
اس کے علاوہ راجکوٹ ہیراسر ائیرپورٹ کی 20 پروازیں آج بھی منسوخ اور گجرات کے بھوج ائیرپورٹ سے بھی 10 پروازیں منسوخ کردی گئیں ہیں۔ جبکہ دھرمشالہ کی 14،چندریگڑھ کی آج کی تمام 84 پروازیں، جودھ پور ایئرپورٹ کی 20 پروازیں منسوخ کردی گئی ہیں۔
بھارت کے متعدد ائیر پورٹس غیر فعال ہیں اور ان ائیرپورٹس سے آج کی شیڈول فلائٹس معطل کردی گئیں ہیں۔
واضح رہے کہ امریکا کے صحافی نک رابرٹسن کا کہنا ہے کہ پاکستان کے میزائل حملوں نے بھارت کو گھٹنے ٹیکنے پر مجبور کیا، میزائل حملوں نے بھارت کو مذاکرات کی میز پر آنے پر مجوبر کیا ہے۔
انہوں نے کہا کہ بات چیت کا امکان تھا لیکن بھارتی مسلسل جارحیت پر پاکستان نے میزائل برسا دیے۔
’کراچی بیکری‘ پر بی جے پی انتہا پسندوں کا حملہ
امریکی صحافی کا کہنا ہے کہ پاکستان نے جارحیت کے جواب میں بھارت پر میزائلوں کی نہ رکنے والی بارش کردی، پاکستان نے جواب میں کاری ضربیں لگانا شروع کیں تو بھارت سنبھل نہ سکا۔
برطانوی صحافی اینبرسن اتھرجان نے کہا کہ بھارت نے نیوکلیئر اثاثوں کے باوجود پاکستان کے اندر حملہ کیا، بھارت کو تسلیم کرنا ہوگا کہ پاکستان کی فضائی طاقت بھارت سے زیادہ ہے۔
