The news is by your side.

Advertisement

بھارت میں خاتون کا پارٹی ٹکٹ نہ ملنے پر انوکھا احتجاج

نئی دہلی: بھارت میں خاتون نے پارٹی ٹکٹ نہ ملنے پر اپنا سر منڈھوا کر احتجاج ریکارڈ کروایا۔

بھارتی میڈیا رپورٹ کے مطابق ریاست کیرالہ میں کانگریس کی صدر لاتھیکا سبھاش نے ریاستی اسمبلی کے انتخابات کے لیے پارٹی ٹکٹ نہ ملنے پر اپنا سر منڈھوا کر احتجاج کیا۔

خاتون سیاست دان لاتھیکا سبھاش نے پارٹی ٹکٹ نہ ملنے پر ناصرف اپنے عہدے سے مستعفی ہوگئی بلکہ احتجاجاً اپنا سر بھی منڈھوا دیا۔

رپورٹ کے مطابق لاتھیکا سبھاش کی جانب سے یہ انتہائی قدم اس وقت اٹھایا گیا جب 6 اپریل کے ریاستی انتخابات کے لیے پارٹی نے نئی دہلی سے امیدواروں کا نام جاری کیا، پارٹی امیدواروں میں ان کا نام شامل نہیں تھا۔

لاتھیکا سبھاش نے اپنے بال پارٹی دفتر کے صحن کے باہر بیٹھ کر منڈھوائے۔

کیرالہ کانگریس کے سربراہ ملاپالے راما چندرن نے پارٹی امیدواروں کے ناموں کا اعلان کیا تھا۔

واضح رہے یہ پہلی دفعہ ہے کہ کیرالہ میں کسی بھی جماعت کے لیڈر کی جانب سے ٹکٹ نہ ملنے پر ایسا اقدام اٹھایا گیا ہو۔

Comments

یہ بھی پڑھیں