نئی دہلی: بھارت میں ٹریفک پولیس اہلکار نے قانون کی خلاف ورزی پر گاڑی والے کو روکنے کی کوشش کی تو اُس نے اہلکار کو نقصان پہنچانے کی کوشش کی۔
بھارتی میڈیا کی جانب سے جاری ہونے والی سی سی ٹی وی فوٹیج میں دیکھا جاسکتا ہے کہ پولیس اہلکار نے جب قانون کی خلاف ورزی پر ڈرائیور کو روکنے کی کوشش کی تو اُس نے رفتار بڑھا دی۔
ڈرائیور نے سامنے آنے والے اہلکار کو ٹکر ماری جس کے بعد وہ بونٹ پر گر گیا اور پھر کار سوار اُس نے جان کی پرواہ کیے بغیر گاڑی دوڑا دی۔
سوشل میڈیا پر وائرل ہونے والی ویڈیو میں دیکھا جاسکتا ہے کہ پولیس اہلکار نے نئی دہلی کے علاقے کینٹ میں ایک کار ڈرائیور کو گاڑی کے سامنے آکر رکنے کا اشارہ کیا تو ڈرائیور نے اسے ٹکر ماردی۔
پولیس اہلکار ٹکر لگنے سے گاڑی کے بونٹ پر گرا تو ڈرائیور نے کار روکنے کے بجائے اس کی رفتار دگنی کردی۔
بونٹ پر پڑے ہوئے ٹریفک اہلکار نے گاڑی کے ڈرائیور کو ہاتھ سے روکنے کی کوشش کی تو ڈرائیور کار مزید تیز چلانے لگا اور گاڑی لہراتے ہوئے کافی دور تک لے گیا۔
#WATCH An on-duty Delhi Traffic Police personnel in Delhi’s Dhaula Kuan dragged on the bonnet of a car for few metres after he attempted to stop the vehicle for a traffic rule violation. The car driver was held later.(12.10.20) #Delhi pic.twitter.com/R055WpBm8M
— ANI (@ANI) October 15, 2020
رپورٹ کے مطابق ڈرائیور پولیس اہلکار کو کھینچتا ہوا تقریباً 400 میٹر آگے تک لے گیا تھا، جس کے بعد وہ سڑک پر گرا اور پھر کار سوار وہاں سے فرار ہوگیا۔
پولیس اہلکار کی گاڑی کے بونٹ پر لٹکے رہنے کی ویڈیو وائرل ہوئی، جس پر صارفین نے ڈرائیور کو گرفتار کرکے قرار واقعی سزا دینے کا مطالبہ کیا۔
