The news is by your side.

Advertisement

کورونا سے متاثرہ بھارتی خاتون بنگلور سے بھاگ کر آگرہ پہنچ گئی

نئی دہلی : بھارت میں کرونا وائرس سے متاثرہ شخص کی بیوی بنگلور سے بھاگ کر آگرہ جاپہنچی، دونوں میاں بیوی اٹلی سے اپنا ہنی مون مکمل کرکے واپس پہنچے تھے۔

تفصیلات کے مطابق کورونا وائرس سے متاثرہ شخص کی بیوی حکام سے بچ کر بھاگ نکلی اور بنگلور سے دہلی پہنچ کر بذریعہ جہاز اپنے سسرال آگرہ جا پہنچی۔

بھارتی میڈیا کی رپورٹ کے مطابق یہ خاتون خود بھی کرونا وائرس سے متاثر ہے۔ نئی دہلی سے فرار ہونے والی یہ خاتون گوگل کمپنی کے ایک عہدیدارکی بیوی ہے جن میں7مارچ کو کرونا وائرس کی تشخیص ہوئی۔

یہ نیا شادی شدہ جوڑا حال ہی میں یورپ میں کرونا وائرس سے متاثرہ یورپ کے سب سے بڑے ملک اٹلی میں اپنا ہنی مون مکمل کرکے واپس بھارت آیا تھا۔

محکمہ صحت کی جانب سے خاتون سے ان کی سسرال جاکر رابطہ کیا گیا پہلے تو ان کے اہل خانہ نے ملاقات کیلئے تعاون نہیں کیا، بعد ازاں پولیس اور ضلعی مجسٹریٹ کی مداخلت پر خاتون سے بات چیت کی۔

حکام کے مطابق اس گھر میں نو افراد رہائش پذیرہیں جنہیں اسکریننگ کیلئے اسپتال منتقل کردیا گیا ہے۔

مزید پڑھیں : بھارت میں کورونا وائرس کے پانچ مریض اسپتال سے فرار

یاد رہے کہ اس سے قبل بھارتی ریاست مہاراشٹر کے شہر ناگپور کے مایا اسپتال سے کورونا وائرس کے کچھ مشتبہ مریضوں کو لایا گیا جہاں کے ٹیسٹ کرنے کے بعد انہیں آئسولیشن وارڈ میں رکھا گیا۔

میریضوں کو آئے ہوئے چند ہی روز ہوئے تھے کہ ان میں سے پانچ مریض موقع پا کر اسپتال سے نکل کر فرار ہوگئے، مریضوں کے فرار ہونے سے عوام میں سراسیمگی کا ماحول پایا جارہا ہے۔

fb-share-icon0
Tweet 20

Comments

comments

یہ بھی پڑھیں