site
stats
عالمی خبریں

شیوسینا نے مسلمانوں کے بعد اب دیگر مذاہب کے ماننے والوں کو نشانہ بنانا شروع کردیا

نئی دہلی : بھارت میں انتہا پسند تنظیم شیو سینا نے مسلمانوں کے ساتھ ساتھ دیگر مذاہب کے ماننے والوں کو بھی نشانہ بنانا شروع کردیا ہے۔

بھارت میں ہندو انتہا پسندی نے جنونی صورت اختیار کرلی، انتہا پسند تنظیم شیو سینا نے مسلمانوں کے بعد اب جین مت کے پیروکاروں کو بھی نشانہ بنانا شروع کردیا ہے،  شیو سینا کا کہنا ہے بھارت میں بسنے والے مسلمان پاکستان چلے جائیں مگر جین مت کے پیروکار کہاں جائیں ؟  انتہا پسند تنظیم شیو سینا کی غنڈہ گردی نے مودی کی حکومت پر کئی سوال کھڑے کردیے ہیں۔

بھارت میں گائے کے گوشت پر حالیہ پابندی کی وجہ سے مسلمان ایک نئے خوف کا شکار ہیں، مسلمانوں کو مچھلی کھانے کے مشورے دیے جارہے ہیں۔

مودی شیو سینا کے انتہا پسند بھوت کیسے قابو کرتے ہیں یہ مودی سرکار کے لیے کڑا امتحان ہے، اس وقت تو بی جے پی کی وفادار شیو سینا مہاراشٹر میں مودی سرکار کے ساتھ بیٹھی ہے،  بھارت کا نام نہاد سیکولر چہرہ مودی سرکار کے دور میں کیا صورت اختیار کرے گا۔

بھارت میں گوشت پر مستقل پابندی رہتی ہے یا مخصوص وقت کے لیے ہی مسلمانوں پر زمین تنگ کی گئی ہے، یہ سب سوالات بھارت اور مودی جی کے لیے بہت اہمیت اختیار کرگئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top