site
stats
پاکستان

بھارت نےپاکستانی زائرین کوخواجہ نظام الدین کےعرس میں شرکت سےروک دیا

India

اسلام آباد : بھارت نے پاکستانی زائرین کو روحانی بزرگ حضرت خواجہ نظام الدین اولیاؒ کے عرس میں شرکت سے روک دیا۔

تفصیلات کے مطابق بھارت نے ہٹ دھرمی کا مظاہرہ کرتے ہوئے پاکستانی زائرین کو حضرت خواجہ نظام الدین اولیاؒ کے عرس میں شرکت سے روک دیا۔

ترجمان دفتر خارجہ کے مطابق بھارت نے آخری لمحے پر192 پاکستانی زائرین کوویزے جاری کرنے سے انکار کیا۔

بھارتی اقدام پر پاکستان کی جانب سے اظہارافسوس کرتے ہوئے اسے مذہبی سیاحت سے متعلق باہمی معاہدے کی خلاف ورزی قراردیا ہے۔


بھارت نے پاکستان ریسلنگ ٹیم کو ویزہ دینے سے انکار کردیا


ترجمان دفتر خارجہ کا کہنا ہے کہ بھارت عوامی سطح پر رابطوں پرقدغن لگا کر تعلقات کو معمول پر لانے کے راستے میں روڑے اٹکا رہا ہے۔

انہوں نے کہا کہ بھارت نے زائرین کوویزے دینے سے انکار کرکے 1974 کے مذہبی سیاحت کے باہمی پروٹوکول کی خلاف ورزی کی ہے۔

یاد رہے کہ اس سے قبل رواں سال کے اوائل میں گرو ارجن دیو اور مہاراجہ رنجیت سنگھ کی برسی پر بھارت نے سکھ یاتریوں کو پاکستان آنے سے بھی روکا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top