بھارت کا جنگی جنون عروج پر، دفاعی بجٹ میں ایک بار پھر اضافہ کردیا
The news is by your side.

Advertisement

بھارت کا جنگی جنون عروج پر، دفاعی بجٹ میں ایک بار پھر اضافہ کردیا

نئی دہلی: بھارت کا جنگی جنون عروج پر پہنچ گیا، دفاعی بجٹ میں ایک بار پھر اضافہ کردیا گیا۔

تفصیلات کے مطابق بھارتی وزیر خزانہ نے رواں مالی سال کے لیے عبوری بجٹ کا اعلان کردیا جس کے مطابق دفاعی بجٹ میں ایک بار پھر اضافہ کرتے ہوئے اسے سات فیصد بڑھا دیا گیا ہے۔

بھارتی وزیر خزانہ پیوش گوئل نے کہا کہ پہلی بار دفاعی بجٹ کا حجم اکتیس سو ارب بھارتی روپے ہوگیا ہے، بجٹ دفاعی ضروریات پوری کرنے میں ناکام رہا تو مزید فنڈز فراہم کیے جائیں گے۔

پیوش گوئل کے مطابق عبوری بجٹ میں سب سے زیادہ رقم بھارتی ایئرفورس کے لیے مختص کی گئی ہے، دفاعی بجٹ کا بڑا حصہ نئے جنگی جہازوں اور جدید اسلحہ کی خریداری پر صرف کیا جائے گا۔

مزید پڑھیں: بھارتی فوجی خودکشیوں اور بیماریوں کے باعث مرنے لگے

بھارتی وزیر خزانہ کے مطابق بجٹ میں نوجوانوں کے لیے نوکریوں کے مواقع میسر آئیں گے جبکہ کسانوں کو مراعات دی جارہی ہیں۔

دوسری جانب اپوزیشن رہنما راہول گاندھی نے بجٹ کو مایوس کن قرار دیتے ہوئے کہا ہے کہ بجٹ میں غریبوں کے لیے کچھ نہیں ہے اور نہ ہی کسانوں کے لیے کوئی اقدامات کیے گئے ہیں۔

واضح رہے کہ گزشتہ سال بھی بھارت کی جانب سے دفاعی بجٹ میں اضافہ کیا گیا تھا جس پر اپوزیشن کی جانب سے تنقید کی گئی تھی۔

خیال رہے کہ بھارت اس وقت بیرونی ممالک سے جنگی ساز و سامان خریدنے میں عالمی سطح پر اول نمبر پر ہے جبکہ دفاعی ماہرین کا کہنا ہے کہ مستقبل میں اسے کے دفاعی اخراجات میں مزید اضافے کا امکان ہے۔

Comments

comments

یہ بھی پڑھیں