کراچی : بھارت طالبان اور دیگر دہشت گردوں کے ذریعے پاکستان کی دفاعی تنصیبات پر حملہ کر سکتا ہے۔ محکمہ داخلہ سندھ نے مراسلہ جاری کردیا۔
تفصیلات کے مطابق بھارت پٹھان کوٹ حملے کا بدلہ لے سکتا ہے۔ محکمہ داخلہ سندھ نے بھارتی عناصر کی جانب سے دہشت گردی کے خطرے کے حوالے سے پولیس اور رینجرز کو مراسلہ بھیج دیاہے۔
مراسلہ میں خدشہ ظاہر کیا گیا ہے کہ بھارت طالبان اور دیگر دہشت گردوں کے ذریعے پاکستان کی دفاعی تنصیبات پر حملہ کر سکتا ہے۔
مراسلے میں کہا گیا ہے کہ قندھار میں دہشت گرد دفاعی تنصیبات کو نشانہ بنانے کی منصوبہ بندی کر رہے ہیں اور رواں ماہ سندھ میں اہم مقامات پر دہشت گردی کا خدشہ ہے۔
مراسلہ میں کہا گیا ہے کہ سندھ اسمبلی ،پولیس ہیڈ کوارٹر،امریکی قونصلیٹ اور آئل ریفائنری سمیت 14حساس مقامات کو نشانہ بنا یا جا سکتا ہے۔
آئی جی سندھ اور رینجرز حکام کو لکھے گئے خط میں کہا گیا ہے کہ فوری طور پر حساس مقامات کی سکیورٹی سخت کی جائے۔