بھارت میں آئے روز کتوں کے کاٹنے کے متعدد واقعات رپورٹ ہوتے ہیں مگر حالیہ واقعے نے تو لوگوں کے دل دہلادئیے ہیں۔
بھارتی میڈیا رپورٹ کے مطابق ریاست تلنگانہ کے ضلع کھمم میں دلخراش واقعہ رونما ہوا جہاں آوارہ کتوں نے حملہ کرتے ہوئے پانچ سالہ بچے کو نوچ نوچ کر مارڈالا۔
مقامی میڈیا رپورٹ کے مطابق افسوسناک واقعہ بارہ مارچ کی شام اس وقت پیش آیا جب بھرت نامی بچہ گلی میں کھیل رہا تھا کہ آوارہ کتوں کے غول نے اس پر حملہ کیا اور زمین پر گرادیا۔
پانچ سالہ بچہ جیسے ہی زمین پر گرا کتوں نے اس پر یلغار کردی اور بے دردی سے اس کے ننھے جسم کو نوچنے لگے، کئی منٹ تک یہ دل دہلا دینے والا واقعہ چلتا رہا، بعد ازاں مقامی افراد نے بڑی مشکل سےکمسن بچے کو ان آوارہ کتوں کے غول سے نکالا جب تک بہت دیر ہوچکی تھی۔
بھرت نامی بچے کو شدید زخمی حالت میں حیدرآباد اسپتال منتقل کیا گیا جہاں وہ دوران علاج دم توڑ گیا۔
واضح رہے کہ حال ہی میں ریاست حیدر آباد میں آوارہ کتوں کے ہاتھوں کمسن بچے کی ہلاکت کا یہ پانچواں کیس ہے۔
