site
stats
پاکستان

بھارت غیر رسمی اعلانِ جنگ کرچکا،لیفٹیننٹ جنرل عامر ریاض

کوئٹہ : کمانڈر سدرن کمانڈ لیفٹیننٹ جنرل عامر ریاض کا کہنا ہے کہ کُل بھوشن یادیو کا بلوچستان میں پکڑا جانا بھارت کا پاکستان کے خلاف غیررسمی اعلان جنگ ہے۔

تفصیلات کے مطابق کمانڈر سدرن کمانڈ لیفٹیننٹ جنرل نے یہ بات سول ہسپتال کوئٹہ میں جاں بحق صحافیوں کی تعزیت کے لیے کوئٹہ پریس کانفرنس کے دورے میں صحافیوں سے بات کرتے ہوئے کہی۔ انہوں نے صحافیوں کی قیمتی جانوں کے ضیاع پرگہرے دکھ اور رنج کا اظہارکیا۔

صحافیوں سے گفتگو کرتے ہوئے اُن کا کہنا تھا کہ اندرونی و بیرونی دونوں اطراف سے سازشیں ہورہی ہیں بھارتی جاسوس افسر کُل بھوشن یادیو کا پکڑا جانا اس بات کا ثبوت ہے کہ بھارت پاکستان کے خلاف غیر رسمی جنگ کا اعلان کرچکا ہے۔

انہوں نے مزید کہا کہ سانحہ کوئٹہ پر بہت دکھ ہوا، یہ بہت بڑا قومی نقصان ہے ہمیں آپس کے اختلافات کو بھلانا ہوگا تا کہ ہم سب مل کر دہشت گردی کا مقابلہ کرسکیں، چند بہکے ہوئے لوگ مذہب کے نام پر دہشت گردی کی کارروائیاں کررہے ہیں یہ دہشت گرد مسلمان نہیں ہیں بلکہ ملک دشمن اورمذہب دشمن لوگ ہیں۔

آخر میں لیفٹیننٹ جنرل عامر ریاض نے اس عزم کا اظہار کیا کہ پاک فوج اور عوام کی کاوشیں رنگ لائیں گی اور پاکستان میں امن قائم ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top