کراچی : معروف عالمی تھنک ٹینک یور ایشیا گلوبل پالیسی نے بھارت کا مکروہ چہرے بے نقاب کردیا، اس کا کہنا ہے کہ بھارت میں اقلیتوں ہر انسانیت سوز مظالم ڈھائے جاتے ہیں۔
معروف عالمی تھنک ٹینک یور ایشیا نے بھارت میں اقلیتوں پر انسانیت سوز مظالم کے حوالے سے اپنی رپورٹ میں تہلکہ خیز انکشافات کیے ہیں، یور ایشیا نے بھارت میں انسانی حقوق کی پامالیوں کو شام سے بھی بڑا المیہ قرار دے دیا۔
رپورٹ کے مطابق بھارت میں کمسن بچیوں سے زیادتی اور اقلیتوں سے انسانیت سوز سلوک کے واقعات میں ریکارڈ اضافہ ہوا ہے، مسلمانوں سمیت70کروڑ کمزور طبقات کیلئے بھارت میں زندگی اجیرن ہوگئی ہے۔
رپورٹ میں یورایشیا کی جانب سے مودی سرکار اور بی جے پی کے عسکری ونگ آر ایس ایس پر کڑی تنقید کی گئی، یورایشیا کی رپورٹ میں کہا گیا ہے کہ مقبوضہ کشمیر میں انسانی حقوق کی پامالی پر عالمی برادری اور انسانی حقوق کی تنظیمیں آواز بلند کریں۔
مزید پڑھیں: گائے کے نام پر مسلمانوں کا قتل، بھارت میں مظاہرے
ایشیا گلوبل پالیسی کی رپورٹ میں بتایا گیا ہے کہ جون2018میں8سالہ مسلمان بچی کو ہندتوا گینگ نے اغواء کیا، 8سالہ مسلمان مغوی بچی کو شرپسند ہندؤوں نے مندرمیں لے جا کر زیادتی کے بعد قتل کردیا،ایشیا گلوبل پالیسی کے مطابق یہ انسانیت سوز واقعہ بھارت میں اقلیتوں کے خلاف نئی لہر بن کر ابھر رہا ہے۔
