بھارتی شہری نے اہلیہ کی خواہش پر نئے کپڑوں کی خریداری کروائی، بعدازاں اسے ہمیشہ کیلئے میکے چھوڑ دیا۔
بھارتی میں شادی کی تقریبات سے جہیز کا مطالبہ پورا ہونے پر دلہے کی دلہن کو لیے بغیر واپسی اور شادی جوڑوں کی علیحدگی کے واقعات میں آئے روز اضافہ ہوتا جارہا ہے۔
حالیہ واقعے میں شوہر نے نئے کپڑوں کی خواہش پر بیوی کو چھوڑ دیا۔
رپورٹ کے مطابق بھارتی شہر احمد آباد میں ایک شخص کی اہلیہ نے اس سے نئے کپڑوں کی فرمائش کی۔
بیوی کی خواہش پر بھارتی شہری کپڑے دلانے کو چلا گیا مگر کپڑوں کی خریداری کے بعد بیوی کو یہ کہہ کر میکے چھوڑ آیا کہ اب ہم مزید ساتھ نہیں رہ سکتے۔
رپورٹ میں کہا گیا ہے کہ مذکورہ جوڑا 2016 میں شادی کے بندھن میں بندھا تھا۔
خاتون نے شوہر سے علیحدگی کے بعد تھانے میں رپورٹ درج کرادی، جس میں کہا گیا ہے کہ 2017 میں ناراضگی کی بناء پر دونوں نے علیحدہ رہنا شروع کیا لیکن 4 سال بعد دونوں نے ایک بار پھر ساتھ رہنے کا فیصلہ کیا۔
خاتون نے الزام لگایا کہ سسرالی انہیں ہراساں کرتے تھے اور تقریباً 15 لاکھ بھارتی روپے کے جہیز کا مطالبہ کر رہے تھے۔
خاتون نے پولیس اسٹیشن میں درج کروائی گئی اپنی شکایت میں کہا کہ اب شوہر سے نئے کپڑے دلانے کی فرمائش کی تو وہ مجھے میکے چھوڑ کر چلے گئے۔
