جمعرات, جولائی 25, 2024
اشتہار

ویڈیو: بھارت میں‌ دو ٹرینوں‌ میں‌ خوفناک تصادم، ایک ٹرین دوسری پر چڑھ دوڑی، 15 ہلاک

اشتہار

حیرت انگیز

بھارت میں‌ دو ٹرینوں‌ میں‌ خوفناک تصادم کے نتیجے میں ایک ٹرین دوسری پر چڑھ دوڑی، حادثے میں 15 افراد ہلاک ہو گئے۔

بھارتی میڈیا رپورٹس کے مطابق مغربی بنگال کے ضلع دارجلنگ میں مال گاڑی اور ایک مسافر ٹرین آپس میں ٹکرا گئیں، جس سے پندرہ افراد ہلاک اور 30 زخمی ہو گئے ہیں۔

مسافر ٹرین کنچن جنگا ایکسپریس آج پیر کی صبح شہر اگرتلہ سے کولکتہ جا رہی تھی، کہ ایک مال گاڑی نے نیو جلپائی گوڑی کے قریب اسے زوردار ٹکر ماری، ٹکر اتنی زور دار تھی کہ مال گاڑی کی کئی بوگیاں مسافر ٹرین کے اوپر چڑھ گئیں۔

- Advertisement -

ریلوے بورڈ نے اپنے بیان میں کہا کہ حادثہ انسانی غلطی کی وجہ سے پیش آیا ہے، ایک پریس کانفرنس میں ریل بورڈ کے چیئرمین اور سی ای او جیا ورما سنہا نے کہا کہ لوکو ڈرائیور نے سگنل کو نظر انداز کیا لیکن انھوں نے مزید کہا کہ مکمل تحقیقات کے بعد ہی اصل وجہ سامنے آئے گی۔

حادثے کے نتیجے میں 3 بوگیاں پٹری سے اتر گئیں، جب کہ موسلادھار بارش کے باعث امدادی کارروائیوں میں مشکلات کا سامنا ہے۔ خیال رہے کہ بھارت میں ٹرین حادثے معمول بن چکے ہیں، جن میں سیکڑوں جانیں جا چکی ہیں۔ٰ

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں