The news is by your side.

Advertisement

بھارت: لٹیروں نے اے ٹی ایم کو دھماکے سے اڑا دیا

مدھیہ پردیش: بھارت میں لٹیروں نے ایک اے ٹی ایم مشین کو دھماکے سے اڑا دیا۔

تفصیلات کے مطابق بھارتی ریاست مدھیہ پردیش میں ضلع ستنا کے ایک علاقے میں ایک بینک کے اے ٹی ایم کو نامعلوم لٹیروں نے دھماکے سے اڑا دیا اور اس میں رکھی نقد رقم لوٹ لی۔

پولیس کا کہنا تھا کہ ضلع ہیڈکوارٹر سے تقریباً 40 کلو میٹر دور برسنگھ پور کے شیو چوک میں لگے ایکسس بینک کے اے ٹی ایم کو گزشتہ رات نا معلوم افراد نے بلاسٹ کر کے اڑا دیا۔

لٹیرے اے ٹی ایم مشین سے رقم لوٹنے میں بھی کامیاب رہے، اور واردات کے بعد فرار ہو گئے، پولیس حکام نے جائے واردات پہنچ کر حالات کا جائزہ لیا اور شواہد اکھٹے کیے۔

بھارت میں اے ٹی ایم ہیکرز کی شامت آگئی

میڈیا رپورٹس میں کہا گیا ہے کہ پولیس نے اے ٹی ایم لوٹنے والے نامعلوم افراد کے خلاف کیس درج کر کے تفتیش شروع کر دی ہے۔

یاد رہے کہ گزشتہ برس نومبر میں بھارتی ریاست اترپردیش میں اے ٹی ایم ہیکر گروہ کے 7 ارکان کو گرفتار کیا گیا تھا، جب کہ ملزمان کے چار ساتھی فرار ہونے میں کامیاب ہوگئے تھے۔

پولیس حراست میں ملزمان نے بتایا تھا کہ اے ٹی ایم کے ذریعے فریب سے لوگوں کا اے ٹی ایم کارڈ لے کر اسکین کرنے کے بعد اس کا ڈپلی کیٹ تیار کرتے اور بعد ازاں اے ٹی ایم سے رقم نکالتے تھے، واردات کے لیے ایسے اے ٹی ایم بوتھ کو منتخب کیا جاتا تھا، جہاں رقم نکالنے والوں کا ہجوم زیادہ ہوتا اور وہاں گارڈ نہیں ہوتے۔

Comments

یہ بھی پڑھیں