نئی دہلی : بھارت میں اغواکاروں نے ایک چار سالہ بچی کو اغوا کرنے کی کوشش کی جسے اس ماں نے ملزمان سے چھین لیا، ملزمان فرار ہونے میں کامیاب ہو گئے۔
تفصیلات کے مطابق بھارت کے دارالحکومت نئی دہلی میں بچی کے اغواء کا ایک واقعہ پیش آیا جسے اس کی ماں نے ناکام بنادیا، اس حوالے سے ذرائع کا کہنا ہے کہ مشرقی دہلی میں واقع شکرپور میں یہ حیران کرنے والا معاملہ سامنے آیا ہے جو پڑوسی کے گھر میں لگے سی سی ٹی وی کیمرے میں بھی ریکارڈ ہو گیا۔
فوٹیج میں نظر آ رہا ہے کہ موٹر سائیکل پر سوار 2 اغواکاروں نے ایک بچی کو اٹھا کر فرار ہونے کی کوشش کی لیکن بچی کا شور سن کر اس کی ماں باہر نکلی اور بہادری کا مظاہرہ کرتے ہوئے اپنی بچی کو اغواکاروں کے چنگل سے چھڑا لیا۔
مذکورہ واقعہ منگل کی شام 4 بجے پیش آیا، ذرائع کے مطابق شکر پور علاقہ کے سندر بلاک میں 4 سالہ بچی بارش کے بعد کھیل رہی تھی کہ اسی دوران سیاہ رنگ کی موٹر سائیکل پر سوار دو ملزمان اس کو اغوا کرنے کی کوشش کرنے لگے۔
दिल्ली का दिल दहला देने वाला वीडियो।बच्ची को अगवा करने की कोशिश..लेकिन मॉं की फुर्ती ने #kidnapping को नाकाम किया। @ABPNews को पता चला है कि चाचा ने रची थी अपहरण की साजिश। बेरोज़गारी से परेशान था और पैसों की जरूरत थी उसे। @CPDelhi ने दो को गिरफ्तार किया। 2 की तलाश है! pic.twitter.com/cDd0skniEZ
— Sumit Awasthi (@awasthis) July 22, 2020
ملزمان نے بچی کو اٹھا کر موٹر سائیکل پر بٹھایا ہی تھا کہ بچی کی ماں تیزی کے ساتھ گھر سے نکلی اور فوراً موٹرسائیکل سوار کو پکڑ لیا جس سے ملزمان کا کنٹرول موٹر سائیکل سے ختم ہو گیا۔
پھر کسی طرح ماں نے بچی کو ان سے چھینا شور کی آواز سن کر کچھ پڑوسیوں نے دوڑ کر اغواء کاروں کو پکڑنے کی کوشش کی لیکن وہ فرار ہونے میں کامیاب ہو گئے۔
