تازہ ترین

پوری دنیا میں جی 20 کا واویلا کرنے والا بھارت بیشتر ممالک کی عدم آمد پر بد حواسی کا شکار

سری نگر: دنیا بھر میں جی 20 کا واویلا کرنے والا بھارت بیشتر ممالک کی عدم آمد پر بد حواسی کا شکار ہے، بیشتر ممالک نے نچلے درجے کے اسٹاف کو بھیج کر منہ پر طمانچہ رسید کردیا۔

تفصیلات کے مطابق جی 20 کے سربراہی اجلاس میں بھارت کی جگ ہنسائی کے باعث مُودی سرکار بدحواسی کا شکار ہے ، سیکیورٹی ودیگرانسانی حقوق کی پامالی کے پیش نظر بیشتر ممالک نے نچلے درجے کے اسٹاف کو جی 20 اجلاس میں شرکت کیلئے بھیج دیا۔

چین کی جانب سے شرکت سے انکار کے بعد سری نگر میں جی 20 سربراہی اجلاس بُری طرح ناکام ہوگئی، چین، ترکیہ ، انڈونیشیا اور سعودی عرب نے جی 20 اجلاس میں شرکت سے صاف انکار کیا۔

باقی ماندہ اراکین نے بھی سفارتخانے کے نچلےدرجے کے اسٹاف کو بھیج کر بھارت کے منہ پرطمانچہ رسید کردیا ، جس پر مقبوضہ کشمیر میں بھارتی جارحیت اور ظلم و بربریت کو معمول پر لانے کی بھارتی کوششوں کو شدید دھچکا لگا۔

اقوام متحدہ کے اقلیتی مسائل کے اہم رپورٹر کا اہم بیان بھی منظر عام پر آگیا ہے، رپورٹر نے کہا کہ بھارت کا مقبوضہ کشمیر میں جی 20 کا اجلاس منعقد کرنا حقائق سے چشم پوشی نہیں کر سکتا، بھارت خود انسانی حقوق کی بڑے پیمانے پر خلاف ورزیاں کررہا ہے۔

رپورٹر کا کہنا تھا کہ بھارت کشمیری مسلمانوں اور اقلیتوں کےحقوق کی پامالی کا سب سے بڑا مجرم ہے، چینی وزارت خارجہ کے ترجمان کا بیان بھی بھارت کے مسخ شدہ چہرے کو ظاہر کرتا ہے۔

چینی وزارت خارجہ نے کہا تھا کہ چین متنازعہ علاقوں میں جی 20 اجلاس کرنے کی سختی سے مخالفت کرتا ہے۔

سیکیورٹی فورسز کی بھاری نفری کی تعیناتی کے باوجود بھی سیکیورٹی خدشات برقرار ہے، اجلاس میں مختلف نوعیت کے حملوں کا خطرہ بھارت کیلئے وبالِ جان بن گیا۔

بد حواسی میں مودی سرکار نے میڈیا بلیک آؤٹ کر دیا اور مکمل طور پر وادیِ سری نگر کو شٹ ڈاؤن کر دیا ہے۔

دوسری جانب جی 20 اجلاس کے خلاف دنیا بھر میں احتجاجی مظاہروں میں بھارتی ظلم کی مذمت کی گئی ، مذمت بھارت کے مکروہ اور مذموم عزائم کی عکاسی کرتا ہے۔

Comments

- Advertisement -